Gau Beltza badatorrela iragartzeko, Txantxillako festak ospatuko dira datorren asteko ostiralean eta larunbatean, urriaren 21ean eta 22an. Gainera, Hernaniko auzoetako jaietan, azkenekoak izan ohi dira.
Txupinazoa 19:00etan botako dute, ostiralean, Arima bihurriaren etorrerarekin batera, Maialen Lujanbiok eta Unai Agirrek girotuta. Baina lehenago, 17:00etan hasita, puzgarriak izango dira. Ondoren, pintxo-potea izango da eta, segidan, Züttik elektrotxaranga.
Larunbatean segiko du festak, egun osoan. 10:30etan Txantxillako haurren lasterketa egingo da. Gero, 11:00etan, haur jolasak eta auzo ginkana izango dira, eta, jarraian, sagardo dastaketa eta pintxoak.
Eguerdiko 14:30etan auzo bazkaria egingo da, eta arratsaldean, festak jarraituko du: Apaxi ipuin kontalaria 17:00etan, txokolatada 18:00etan, arimen kalejira dultzaineroekin 19:00etan, pintxo-potea eta DJ Monkey 20:00etan, eta bukaerako traka, ondoren. Jarraitu nahi duenarentzat, DJak girotuko du auzoa.
TXANTXILLAKO JAIAK
EGITARAUA
URRIAK 21, OSTIRALA
17:00-18:30 Puzgarriak
Txantxillako plazan.
19:00 Jaien hasiera! Txupinazoa eta Arima bihurriaren etorrera, Maialen Lujanbio eta Unai Agirrek girotuta. Pintxo potea Jai batzordearen txoznan eta tabernetan.
Segidan, Züttik elektrotxaranga.
URRIAK 22, LARUNBATA
10:30 Haurren lasterketa.
11:00 Haur jolasak.
11:00 Auzo Ginkana.
12:00 Sagardo dastaketa eta pintxoak.
14:30 Auzotarron bazkaria.
17:00 Apaxi ipuin kontalaria.
18:00 Txokolatada.
19:00 Arimen kalejira Hernaniko dultzaina taldekoekin.
20:00 Pintxo potea eta DJ Monkey.
Ondoren, festen amaierako traka.