Festa giroak hartuko du Portu auzoa gaur, berriro ere: Portu Eguna ospatuko dute egun osoan zehar. Eguerdiko 12:00etan hasiko da, auzotarren arteko patata tortilla txapelketarekin, eta 13:00etan egingo dute sari banaketa. Ondoren, auzo bazkaria egingo dute (txartelak aurrez erosi behar ziren), eta erromeriarekin borobilduko dute eguna, Bide Batez taldearen eskutik, 18:30etatik aurrera.