Bihar hasiko du Euskal Liga, Hernaniko mutil seniorren taldeak. Etxean jokatuko dute aurreneko partidua, kiroldegian; eta Aretxabaletako Arizmendi taldea hartuko dute, eguerdiko 12:00etan hasita.
Ez da denboraldi hasiera erraza izango hernaniarrentzat. Batetik, berritze prozesu bat hasi duelako taldeak, eta aldaketa asko izan dituelako aurten. Eta bestetik, kontrario gogorra delako Arizmendi, urteak daramazkiena taldea sendotzen. Edonola ere, garaipenarekin ekin nahi dio Eligio Rodriguezek zuzendutako taldeak.
Asteburu honetan hasiko da nesken Euskal Liga ere, baina atsedena izango du Hernanik, aurreneko jardunaldian. Datorren astean ekingo dio, beraz. Hernaniko beste 11 taldeek, berriz, urriaren 23ko asteburuan hasiko dute denboraldia, Gipuzkoako Txapelketak martxan jartzearekin batera