Abuztuko jaiekin ez zuten nahikoa izan Portuko auzotarrek, eta biharko, Portu eguna antolatu dute. Eguerdiko 12:00etan, auzotarren arteko patata tortila txapelketari emango zaio hasiera. Bakoitzak tortila bere etxean egingo du, eta sari banaketa, eguerdiko 13:00etan izango da. Lehenengo postuan gelditzen denak 2 lagunentzako bazkaria irabaziko du, Fagollaga jatetxean; eta bigarren postua lortzen duenak, berriz, 2 lagunentzako bazkaria, Tripontzi jatetxean. Eguerdiko 14:30etan, auzo bazkari baten bueltan bilduko dira auzotarrak, eta arratsaldean, Bide batez taldearen erromeriaz gozatuko dute.