Hizkuntzen erabileraren kale neurketaren 5. edizioa egin zuen Soziolinguistika Klusterrak, joan den urteko udazkenean, Hernanin, «herrian euskeraren erabilera neurtzeko asmoz».
Urtebeteren ostean, dagoeneko prest daude Hizkuntzen erabileraren kale-neurketa. Hernani, 2021 ikerketaren emaitzak, eta gaur aurkeztuko dituzte. Arratsaldeko 18:30etan jarri dute horretarako hitzordua, Biteriko areto nagusian, eta saio irekia izango da.
Aurkezpenean, izango dira Belen Uranga, Soziolinguistika Klusterreko teknikaria eta neurketaren eta emaitzen txostenaren egileetako bat. Gainera, bertaratzen direnek aukera izango dute aurkezpenaren ondoren galderak egiteko eta jakin-mina asetzeko.