Atzo ekin zion Nerea Ibarzabalek, Bertso Txapelketa Nagusiko ibilbideari, eta nola gainera. Gotaine-Iribarnen jokatu zen kanporaketa, eta Nerea Ibarzabal gailendu zen, 738 punturekin. Oihana Iguaran, bigarren gelditu zen, puntu erdira. Ibarzabal eta Iguaranekin batera, Ane Labaka, Eneko Lazkoz, Julio Soto eta Patxi Iriart aritu ziren bertsotan, Aritz Bidegainek aurkeztuta. Orain arteko maila haundieneko kanporaketa izan zen atzokoa. Lehenengo lau sailkatuek lortu zituzten puntuazioak oso altuak izan baitziren: Nerea Ibarzabalek 738; Oihana Iguaranek 737,5 ; Ane Labakak 694,5; eta Julio Sotok 691.
Hernanin bizi den markina-xemeindarra, zuenean Irungo finalaurrekora sailkatu da. Azaroaren 5ean jokatuko da, eta oraingoz Sustrai Colina dago saio horretarako sailkatuta.