Istripua izan da gaur arratsaldean, 18:20ak aldera, A-15 errepidean, Hernanin, Zikuñagako irteeraren parean, Astigarragara bidean. Trafiko Zuzendaritzak jakinarazi duenez, kamioi batek izan du istripua, baina hainbat kotxe ere geldituta daude istripuaren gunean. Bertara azaldu dira Ertzaintza eta DYA, istripua gertatu eta berehala.
Gertaeraren eraginez, karril bat moztuta dago noranzko horretan, eta trafikoa motela da. Horrela, kilometro inguruko auto-ilara sortu da.