Gaur emango zaio hasiera Gipuzkoako txapelketako denboraldi berriari, eta nagusien mailakoak izango dira hiru partiduak. Arratsaldeko 19:30etan emango zaie hasiera partiduei. Aurreneko bi partiduak lehenengo mailakoek jokatuko dute: Paul Ojuel eta Markel Lizeaga, Legazpiren aurka ariko dira; eta jarraian, Iñigo Urkizuk eta Iñigo Labakak Tolosa izango dute aurkari. Azkenik, hirugarren mailakoak lehiatuko dira: Ekaitz Cisnerosek eta Mikel Lasak, Garikoitz Arizmendiren eta Anartz Oiartzabalen aurka neurtuko dituzte indarrak.