Dobera Euskera Elkarteak, euskeraz ez dakiten helduentzako tailerrak eskaintzen ditu, honako helburuarekin: «guraso euskaldunak ez direnak euskerara hurbiltzea». Horretarako, Doberak, hainbat saio prestatu ditu gurasoentzat, eta horietan laguntzaile izango dira, etxeko txikiak, liburuak eta Sorgina Txirulina.
Aurten zortzi saio antolatu ditu Doberak, eta aurrenekoa bihar eskainiko da, goizeko 11:00etatik 12:00etara. Iraileko saio hau AEKn egingo da, eta beste guztiak Biterin burutuko dira. Izena eman behar da bertaratzeko, dobera@dobera.eus helbidera idatzita, 943 33 27 99 edo 662 406 692 telefonoetara deituta.