«Gure bizilagunik onenak» lelopean, Hernaniko Felix Ugarte Elkarteak saguzarren gaua antolatu du, Udalaren laguntzarekin. Ekimena hilaren 16an izango da, datorren ostiralan. Arratsaldeko 19:30etan jarri dute horretarako hitzordua, eta atletismo pistaren sarreran elkartuko dira. Familiei zuzendutako ekintza da, eta parte-hartzaileek ibilbide labur bat osatuko dute haur eskolako ingurutik. Gainera, antolatzaileek aurreratu dutenez, saguzarren bueltako erakusketa ikusteko aukera izateaz gain, detekzio jardunaldia biziko dute bertaratzen diren guztiek.