9 urtetik aurrerako gazte eta helduentzako gitarra ikastaroak eskainiko ditu Kantuz musika eskolak. Saioak astean behin izango dira, eta izena emateko bi epe daude: irailaren 12tik 16ra bitartean iazko ikasleentzat; eta irailaren 19tik 23ra, berriz, ikasle berrientzat.
Izena emateko, udaletxeko Harrera Zerbitzura bertaratu behar da, edo telefono honetara deitu: 943 33 70 00. Hernanin erroldatutakoentzat 243,27 euro dira matrikula, eta Hernanin erroldatuta ez daudenentzat, 295,03 euro. Deskontuak ere badaude, familiaren diru sarreren arabera. Informazio gehiago, HHZ bulegoan galdetuta.