Kontxako Banderako lehenengo asteburuko estropada jokatuko da gaur, eta Maialen trainerua bertan izango ez den arren, Urumea bailarak ordezkaritza izango du gaurkoan.
Nesken estropadan, 11:00etan hasita, Hondarribiarekin izango dira Maider Perez eta Miren Gamendia hernaniarrak; Hibaikarekin, Ihintz Larrañaga, Jone Pastor, Nora Urbe eta Garazi Arabiatorre herrikideak; Oriorekin, faboritoarekin, Eider Barba hernaniarra; eta, azkenik, Donostiarrarekin, Uxue Alberdi hernaniarra.
Mutilen txandan, 12:00etan, hiru hernaniarrek eta astigartar batek egin dezakete arraun bi igandeetan. Zehazki, Hernaniko Xabat Pastorrek, Iker Imazek, Jon Iruretagoienak eta Astigarragako Ander Baldak.