VII. Joxan Arabiatorre Txapelketa jokatu zen atzo goizean, Zubipen. Denera, zortzi taldek parte hartu zuten infantil zein senior mailan. Ikusle mordoa bertaratu zen neskak futbolean ikustera, eta maila bikaina erakutsi zuten futbolariek.
Seniorretan, hernaniarrak azpitxapeldun izan ziren Gipuzkoako Selekzioaren aurkako finalean 0-1eko emaitza lortuta. Reala izan zen hirugarren eta Osasuna, berriz, laugarren.
Infantil mailan, Osasuna C taldeak lortu zuen garaipena. Bigarren postua Añorgarentzat izan zen, hirugarrena Eibarrentzat eta, azkenik, laugarrena Hernanirentzat.