Aurredenboraldiko hitzordu politenetakoa jokatuko dute C.D. Hernaniko zenbait taldek, gaur. Hain justu, Joxan Arabiatorreren omeneko VII. Txapelketa izango da Zubipen, infantil zein senior mailan.
Denera, zortzi taldek parte hartuko dute txapelketan. Infantil mailan, lau talde izango dira: Hernani, Añorga, Osasuna eta Eibar. Senior mailan ere beste lau taldek neurtuko dituzte indarrak elkarren artean: Hernani, Osasuna, Reala C eta Gipuzkoako Selekzioa. Senior mailari begira, Ohorezko Erregional mailako taldeak ordezkatuko du Hernani. Aritz Lujanbiok gidatutako taldeak aurredenboraldiko entrenamendu gisa hartuko du txapelketa. Irailaren 18an hasiko dute denboraldia. Norgehiagokak goiz osoan luzatuko dira, eguerdira arte. Lehenengo partidua 10:00etan hasiko da, eta azkenekoa, berriz, eguerdiko 13:30etan jokatuko da.
GAUR, Zubipen INFANTILAK 10:00-10:25 Hernani-Añorga, Zubipe 1 zelaia. 10:00-10:25 Osasuna-Eibar, Zubipe 2 zelaia. 10:30-10:55 Añorga-Osasuna, Zubipe 3 zelaia. 11:15-11:40 Hernani-Eibar, Zubipe 3 zelaia. 12:00-12:25 Osasuna-Hernani, Zubipe 3 zelaia. 12:45-13:10 Eibar-Añorga, Zubipe 3 zelaia. SENIORRAK 10:30-11:15 Hernani-Osasuna 11:30-12:15 Real Sociedad-Gipuzkoako Selekzioa 12:30-13:15 3. eta 4. postuak 13:30-14:15 FINALA |