Ezin izan du ezustekoa eman Maialen traineruak, Kontxako sailkatze estropadan, eta 14garren sailkatuta, ez da Donostian ariko datozen bi igandeetan. 11:43 denboran osatu dute erlojupeko proba hernaniarrek, eta 26 segundura geratu zaie sailkatzeko langa.
Honakoak dira, Donostiarrarekin batera Kontxako Banderaren bila ariko diren zazpi traineruak: Arraun Lagunak, Orio, Tolosaldea, Hibaika, Cabo, Hondarribia eta Chapela. Hori horrela, Maialen kanpoan geratu arren, izango da hernaniarrik Kontxan, beste talde batzuekin.