Xabi Salillas atleta hernaniarrak hirugarren postuan amaitu zuen Villenave d'Ornongo (Frantzia) ultrafondo lasterketa. Ultrafondo Cantabria taldeko kideak sei orduko martxa osatu zuen, eta sailkapen orokorrean podiumean sartzeaz gain, garaile izan zen bere kategorian.
Salillasek aipatu duenez, «entrenamendu gisa» osatu zuen joan den larunbateko lasterketa. Izan ere, azaldu du «azaroan froga garrantzitsu bat» duela aurretik: «Markel Carmonaren aldeko martxa solidarioa, oso gogorra, 48 ordukoa». Urnietan izango da hori, eta aurreratu du «inoiz egindako bi modalitatetan» arituko dela. Azaroaren 18an hasi eta 20an amaituko du erronka.