Aurreko asteburuan ospatu zituzten Portuko Jaiak, eta horien bueltan, argazki lehiaketa antolatu du Jai Batzordeak, Kronikaren laguntzarekin. Parte hartzeko, gaur da azkeneko eguna, eta kronika@kronika.eus helbide elektronikora bidali behar dira argazkiak, JPG formatuan. Partehartzaile bakoitzak, hiru argazki bidali ditzake, gehienez ere.
Bozketa, ostiraletik igandera 'kronika.eus' webgunean
Argazki guztiak bilduta, kronika.eus webgunean egongo dira ikusgai bihartik, eta bertan izango da argazki onenak aukeratzeko aukera. Ostiraletik igandera bozkatu ahal izango dute irakurleek, eta asteartean jakinaraziko dira irabazleak. Haientzat, sariak prest dauzka Portuko Jai Batzordeak.