Iganderoko irteerak eten egin zituzten Zikuñako Ama taldeko zikloturistek, abuztuan, oporraldia aprobetxatzeko. Baina irailean sartuta, berriro helduko diete irteerei, eta etzi egingo dute aurrenekoa. Albizturrera joango dira, goizeko 08:30etan Zinkoeneatik abiatuta. 52 kilometroko ibilbidea osatuko dute oraingoan, toki beretik joan eta bueltatuta, Andoain, Villabona eta Tolosatik barrena. Irailaren 11n egingo dute hurrengoa, Larraulera (37 kilometro).