Atzo bukatu ziren Portuko Jaiak, eta erremate borobila jarri zieten, gainera. Izan ere, jendetza gerturatu zen, sagardo dastaketara zein herri kiroletara.
Jaietako argazkien albumak ikusgai daude kronika.eus webgunean; eta orain, herritarren txanda da, festetan ateratako argazkiak erakusteko. Izan ere, argazki lehiaketa antolatu du Portuko Jai Batzordeak, Kronikaren laguntzarekin; eta gaur arte bidali daitezke argazkiak, kronika@kronika.eus helbidera. JPG formatuan bidali behar dira, bakoitzak hiru argazki gehienez ere; eta sariak prest dauzka Jai Batzordeak, argazki onenak atera dituztenentzat.