Iraileko aurreneko egunetan hasiko du 2022-2023 denboraldia, CD Hernaniko atletismo taldeak. Irailaren 5ean ekingo diote federatuek (14 urtetik gorakoek), eta astelehenetik ostegunera entrenatuko dute, 19:00etatik 20:30etara. 14 urtetik beherakoek, berriz, irailaren 12a izango dute aurreneko eguna. Benjamin eta alebinek, astearte eta ostegunetan izango dituzte saioak, 18:00etatik 19:00etara; eta infantilek astelehen, asteazken eta ostiraletan, 17:45etatik 19:00etara. Atletismoan aritu nahi dutenek, izena emateko aukera daukate oraindik: atletismohernani.net webgunean, edota atletismohernani@telefonica.net helbide elektronikoan.