ETE Ligako azkeneko jardunaldia jokatuko du gaur, Hernaniko Maialen traineruak. Erandion ariko da, arratsaldeko 18:00etan hasita, erlojupeko proban. Aurreko asteburuan lortutako emaitza onak berretsi nahi ditu gaur, datorren astean Kontxako Banderaren kanporaketa jokatu aurretik. Ostegunean izango da hori, 18:00etan hasita.
Bestalde, 11 urtetik gorakoentzako arraun ikastaroa antolatu du Hernaniko Arraun Elkarteak, bihartik datorren ostiralera. Goizez egingo dute, egunero 10:00etatik 12:00etara, Ibarluze poligonoan daukaten lokalean. Doakoa da ikastaroa.