Irailaren 1etik aurrera sartuko dira indarrean garraio publikoetako deskontuak. Hernaniri dagokionez, Lurraldebuseko eta Renfeko zerbitzuetan ez ezik, Hiribusean ere, Mugi txartelarekin ordainduz gero, bidaiaren prezioan %50eko deskontua izango dute erabiltzaileek. Gipuzkoako Garraioaren Lurralde Agintaritzak abuztuaren hasieran onartu zuen Mugiren tarifak % 50 jaistea, abenduaren 31ra arte. Izan ere, egun horretan utziko diote indarrean egoteari, estatuko gobernuak ekainaren 25ean Errege Lege Dekretu bidez hartutako neurriek.