Portuko San Joan Txiki Jaiak hasi ziren atzo goizean, haurren protagonismoarekin. Eguerdian bota zuten suziria, Txapeteri lore eskaintza egin ondoren, eta haurrak jolas parkingean gozatzen ari ziren bitartean. Sardin jateak eta Oihan Vegaren diskofestak murgildu zituzten helduagoak, auzoko festetan.
Jai giroak asteburuan joko du goia, dena den. Makina bat ekintza prestatu dituzte bi egunetarako, eta gaurkoan, esaterako, 69garren edizioa izango du Asto Karrerak. Musika, berriz, Laiotzek jarriko du, bi saiotan.
Argazki lehiaketa, martxan
Festetako momentu ederrenak betiko izoztuta gelditzeko asmotan, argazki lehiaketa antolatu du Portuko Jai Batzordeak, Kronikaren laguntzarekin. «Prestatu argazki-kamerak eta animatu parte hartzera!», bota dute mezua antolatzaileek.
Parte hartu nahi dutenek, datorren astelehenera arte, hilak 29, izango dute horretarako aukera. Posta elektronikoz bidali behar dira argazkiak, partaide bakoitzak gehienez ere hiru, kronika@kronika.eus helbidera. JPG formatuan bidali beharko dituzte argazkiak, norberaren izen-abizenekin batera.
Sariak ere izango dira argazki onenentzat, eta Jai Batzordeak prest ditu dagoeneko, irabazleentzako opariak. Datozen egunetan emango dute horren berri.
GAUR, larunbata08:00 Egunsentia, suzirien jaurtiketarekin. 11:30 Haur jokoak: zaku-karrerak, aulki-jolasa, lokotxak, ura eta irinaren jolasa... 13:00 Zinta lasterketa, izugarrizko opariekin. Jarraian, Tiro karabina txapelketa. 16:30 Umeentzako tailerrak. 18:00 LXIX. Asto Karrera. Babeslea: Zintzarri taberna. 19:00 Patxin eta Potxin pailazoen ikuskizuna. Jarraian, Umeentzako dantzaldia Laiotz taldearekin. Ondoren, denok afaltzera gauerako indarrak hartzeko. 00:00 Dantzaldia Laiotzekin. BIHAR, igandea08:00 Egunsentia, suziriekin. 09:30 Diana txistulariekin. 12:00 Meza auzoko hildakoen alde. 12:00 Hernaniko Bertso Eskolako bertsolarien saioa. 12:30 Sagardo-dastaketa. Sagardotegiak: Altzueta, Oialume-Zar, Olaizola, Eula, Akarregi, Alberro, Elorrabi, Iparragirre, Artola, Itxas-Buru, Otsua-Enea, Rufino eta Gurutzeta. 13:00 XLVI. Toka eta Bote Txapelketa. Izena emateko epea 12:50etan amaituko da. 14:30 Bazkaria, Euskal Parrillaren eskutik. 18:30 Herri kirolak. Babeslea: Akelenea. Aizkolariak: Laiene Pikabea, Malen Barrenetxea, Beatriz Tanco, Klaudia Muñoz, Iker Vicente eta Mikel Larrañaga. Harrijasotzaileak: Jokin Eizmendi eta Mikel Lopetegi 'Urra'. Jarraian, Dantzaldia Laiotz taldearekin. 00:00 Dantzaldia Laiotz taldearekin. Tartean, zezen suzkoa eta festei amaiera emateko azken traka. |