Roberto Pacheco, Euskadiko Orkestrarekin

Datorren irailaren 1ean, John Williamsen Escapades interpretatzeko aukera izango du Roberto Pacheco musikari hernaniarrak Euskadiko Orkestra Sinfonikoarekin Kursaal auditoriumean. ¡De película! zinema-musikako ikuskizunaren barruan izango da 20:00etan. Adin guztientzako, eta zinema-proiekzio orotan ‘ikusezinak’ diren elementuekin jolasten du: musika eta pertsonaien ahotsak. Jordi Brau eta Luis Posada aktore bikoiztaileei esker, Hollywoodeko protagonista nagusiek kontzertu honetan parte hartuko dute. Beren ahotsen efektu oroitarazleak, Euskadiko Orkestraren interpretazio musikalarekin eta irudien proiekzioarekin batera, film garrantzitsuetara eramango gaitu, besteak beste, Karibeko piratak, Titanic, The Mask, Erregearen hitzaldia, Forrest Gump eta Mission: Imposible.