Pasa den asteburuan Aitor Lizarazu, Imanol Egaña donostiarrarekin bikote eginda, A Coruñako Riazor hondartzan izan dira Espainiako zirkuituko 5. frogan. Bikotea faboritoetako bat zen podiumera igotzeko, baina ezin izan zuten beraien maila hoberena eman eta taldeetako fasea gainditu ondoren final laurdenetan kanporatuak izan ziren. Aurrean Superligako Valentzia taldean jokatzen duten Pascual-De Juan bikotea izan zituzten eta partidu gogor baten ondoren hauek azkenean gehiago izan ziren. Albiste ona izan zen ranking-erako puntu sorta ona bildu dutela.
Igandean, Aste Nagusiko txapelketa Zurriolan
Orain indarrak igande honetan jarriko dituzte. Donostiako Aste Nagusiko txapelketa irabaztea izango du helburu Lizarazuk, Pablo Lasterrarekin taldea osatuta, Zurriolako hondartzan. Egun guztian zehar jokatuko dira partiduak.