Oarsoaldea izan du kokaleku oraingo honetan, Dobera Euskara Elkarteko udaleku ibiltarien bigarren txandak. Gaztetxoenek Donostian hasi zuten ibilbidea, eta sei egunez Lezo, Pasai Donibane eta Oiartzundik barrena gozatu dute. Denetarik egiteko aukera izan dute guztiek: piragua Kaxkardirekin, eskalada Lezon, gaueroko gaubelak, ibilaldiak paraje ederretatik barrena... Uda honetan ahaztuko ez duten astea izan da, ziur, begirale, sukaldari zein ume guztientzat!
