Portalondo estankuko erakusleihoan zulo haundi bat topatu dute gaur goizean, denda irekitzean, bertako langileek. Antza denez, atzo gauean lapurreta saiakera izan zen komertzioan. Bertakoek azaldu dutenez, «ez dute lortu ezer lapurtzea». Gainera, gehitu dute, ustez, herriko beste komertzioren edo tabernaren batean ere lapurreta izan dela. Hala ere, hori argitzeke dago oraindik, Udaltzaingoak ez baitu horren gainean ezer zehaztu.
