Gaur amaituko da 'Udaparkean 2022' Ave Marian

Udaparkean egitasmoa gaur amaituko da Ave Maria parkean lau ekintzekin. 17:30etan hartubol partidua izango da. 19:00etan haurrentzat Yarleku antzerkia ikusteko aukera izango dute txikienek. 20:30etan Fili Busters zirku-clown ikuskizuna izango da eta amaitzeko, 22:00etan, Dupla taldeak kontzertua eskainiko du. Egitaraua aprobetxatuz, afari-merienda egiteko aukera polita izango da. Ave Marian bertan, jan-edana ere eskuragarri egongo da.