Semifinaletako beste hiru partidu jokatuko dituzte Zikuñaga Papelera Torneoan, gaur arratsaldean, 18:00etan hasita kiroldegiko frontoian. Kadeteetan, Xuban Iturbe hernaniarra eta Oihan Legarreta aranoarra ariko dira, Lapkeko Kerejetaren eta Igoaren kontra. Jubeniletan, Azkoitiko Etxanizek eta Juaristik jokatuko dute, Aloña Mendiko Etxegarairen eta Zazpi Iturriko Mujikaren kontra. Eta nagusietan, Mikel Lasa hernaniarra ariko da, Intxurreko Oiarbiderekin batera, Beti Onak taldeko Tiradoren eta Alde Zaharrako Huegunen kontra.