Ate joka ditugu Santa Barbarako San Inazio jaiak, eta aurtengoan bere osotasunean ospatuko dira, uztailaren 31n. Goizetik eguerdira bitartean antolatu dituzte ekintzak, Morkaiko taldeak Hernaniko Udalarekin batera, Elutxeta sagardotegiaren laguntzarekin.
Goizeko 11:00etan, Elaia Diaz eta Eider Garro trikitilariek sekulako giroa jarriko dute, eta jarraian lore eskaintzarekin batera, omenaldia egingo dute.
Eguerdiko 12:00ak aldera, San Inazioko meza baten bueltan bilduko dira bertaratzen direnak, eta 13:00etan emango zaio hasiera Herri kirolei. Plazan, protagonistak izango dira: Suharri 'Paolla', Jokin 'Basozabal', Lierni Osa, Ainhitze Zumeta, Iraitz Arruti, Xabat Arruti, Aiert 'Paolla' eta Iñaki Lekuona.
Bazkaldu aurretik, Agin Laburu eta Ekain Tolaretxipi bertsolarien ahotsek girotuko dute Santa Barbara. 14:30etarako, berriz, herri bazkaria antolatu dute Elutxetan. Eta sekulako menuaz gozatzeko aukera izango dute bazkarira animatzen direnek: fritoak, bakailu tortila, entsalada, kostila, gazta, intxaurrak, eta kafea. Bazkarirako izena eman behar da, eta uztailaren 25era arte dago horretarako aukera, telefono honetara deituta: 676 558 696. Bazkariak, guztira 25 euro dira, eta behin bazkaria amaituta, bertsolariek eta trikitilariek hartuko dute lekukoa San Inazio jaiei amaiera emateko.
SAN INAZIOTAKO JAIAKHERNANIUZTAILAK 31 11:00 Elaia Diaz eta Eider Garro trikitilariak. 11:30 Lore eskaintza 11:45 Omenaldia 12:00 Meza 13:00 Herri kirolak: Suharri 'Paolla', Jokin 'Basozabal', Lierni Osa, Ainhitze Zumea, Iraitz Arruti, Xabat Arruti, Aiert 'Paolla' eta Iñaki Lekuona. 14:30 Herri bazkaria, Elutxetan. |