Urteroko zitari eutsiz, Berriak Merkatari eta Ostalarien elkarteak, beherapen azoka antolatu du uztailaren 21erako eta 22rako. Parte hartuko duten komertzio bakoitzak, postua dendaren kanpo aldean jarriko du. Etzi, goizeko 10:00etatik 13:00etara egongo dira postuak, eta arratsaldean, berriz, 17:00etatik 20:00etara. Ostiralean, aldiz, goizean egongo da beherapen azoka, goizeko 10:00etatik 13:00ak arte.
Honakoak dira aurtengo azokan parte hartuko duten komertzioak: Eukene jantzi denda; Hiru haur arropa denda; Hoki azpiko arropa denda; Ibai Mendi; Kera; Laket; Mahuka, Marna; Orekan dietetika; Termas dekorazio denda; Urrats oinetako denda; eta azkenik Valen.
Kaxkoa itxita trafikoarentzat uztailaren 21ean eta 22an
Beherapen azoka uztailaren 21ean eta 22an egingo denez, Kale nagusia eta Andre kale kaleak itxita egongo dira trafikoarentzat, goizeko 09:00etatik aurrera.