Casting berezia egin zuen Basqueland Brewing Project garagardo enpresak, aurreko astean: txakurrei zuzendutakoa izan zen, eta helburua zen aurkitzea Pintto garagardoaren marrazkiko txakurraren antza daukan benetako txakur bat. 70 txakur baino gehiago aurkeztu zituzten castingera, enpresak Akarregin daukan egoitzara; eta Aretxabaletako Luna txakurra izan zen irabazlea. Horrela, bere jabeek, Sabrinak eta Kepak, garagardo kaxa bat jaso zuten sari gisa, eta gainerako partehartzaile guztiek ere izan zuten Pintto garagardoa dastatzeko aukera. Egun horretan inauguratu zuten Marcos Navarrok egindako murala ere.