Mañé i Flaquer plazan eraberritze lanak egingo direla eta, saio irekia antolatu du Hernaniko Udalak, gaur arratsalderako, herritarren ekarpenak jasotzeko asmoz. Gabriel Zelaia eraikinean izango da, 19:00etan hasita. Plazan ez ezik, Kulturarteko Plaza Feministaren aurreko errepidean ere egokitu nahi dute «koexistentzia espazio bat, oinezkoen segurtasuna eta erosotasuna bermatzeko».