Entzungai dago plataforma digitaletan Olatz Zugastiren azken lana: 'Oi Amaiur'. Uztailaren 8an atera zen argitara, eta kantu hau, orain dela urte batzuk argitaratutakoaren bertsio berri bat da: «Setioaren 500 (100 urteko 5 amona) urteurrena betetzen den honetan, oroigarri soiletik baino gaurko kokapenetik kantatu nahi nuen» nabarmendu du Zugasti artista hernaniarrak. Azken lan honetako irudian,' Maiatzeko Erregina' agertzen da, Zugastiren ustetan, «esnaldi baten isla, euskal arimarena agian...».
Hitzak eta musika Olatz Zugastirenak dira, eta baita azaleko argazkia ere. Aldiz, diseinua, Alai Ondok egindakoa da.
Beraz, 'Oi, Amaiur' entzuteko aukera dago, hainbat plataformetan, besteak beste, Spotifyn (https://labur.eus/hGXxP) eta Youtuben (https://labur.eus/xopUc).k