Zapi gorriak eta kamixeta txuriak dira egunotako jantziak, eta Martindegiko auzotarrak ez dira gutxiago izango, auzoko festak baitira San Ferminak. Atzo, sekulako arratsaldea igaro zuten, bai helduek zein etxeko txikiek. Kalejirarekin girotu zuten arratsaldea, eta auzoko haurrak zilipurdika ere ibiltzeko aukera izan zuten puzgarriekin. Sagardo ezberdinak ere probatu zituzten, eta gau aldera, dantzaldi ederrak ere bota zituzten Bide Batez taldeak girotuta.
Gaur, egun osoan jarduerak
Gaur egun osorako egitaraua prestatu dute Martindegiko San Ferminetarako. Goizeko 10:30ak aldera, Mobida, eta eguerdian, Goiko aristian omenaldi txiki bat egingo dute «gure artean ez daudenentzat». Horrez gain, Tturko familiari eskertza ere egingo zaie, «ematen diguten harreragatik» diote auzotarrek. 14:30ak aldera, auzo bazkari baten bueltan bilduko dira, eta arratsaldean, zezentxoen eta zalditxoen bisita ere izango dute. Eta arratsaldeko ekintzekin amaitzeko, Laiotz taldearen doinuen erritmora dantzatuko dute. Gauean, XIX. Zaldi demak hartuko du protagonismoa eta behin amaituta, berriro Laiotz taldeak hartuko du lekukoa. Ondoren, platano dantza lehiaketa xelebrearekin amaituko dute eguna.
Bihar emango zaie amaiera Martindegiko San Ferminei, mota guztietako ekintzekin, besteak beste, euskal festa, XXIV.trikitilari gaztetxoen lehiaketa, Toka txapelketa nagusia eta kalejira. k
MARTINDEGIKO SAN FERMINAK
GAUR
10:30, Mobida
13:00, Goiko aristian oroigarri xume bat 'gure artean ez
daudenentzat'. Tturko familiari eskertza, egiten dieten harreragatik.
14:30, Auzo bazkaria. Txartelak astelehenean jarri zituzten salgai, auzo elkartean.
18:00, Zezentxoak eta zalditxoak
19:30, Arratsaldeko dantzaldia, Laiotz taldearekin
22:15, XIX. Zaldi Dema: Andoni Mendizabal 'Asteasu' eta Etxetxo 'Zumaia'
23:30, Dantzaldia, Laiotz
taldearekin
Ondoren, Platano dantza lehiaketa xelebrea
BIHAR
Goizean, Diana, Txirriskla taldeko txistularien eskutik.
12:00, Euskal festa. Aizkolariak, Urumea bailarako lau gazte: Jokin Urretabizkaia 'Basozabal', Suharri Rodriguez 'Paolla', Igoin Pikabea eta Axel Larrañaga. Harrijasotzailea: Xabat Olaizola.
13:00, Bertsolariak: Amets Arzallus eta Sebastian Lizaso
17:00, XXIV. Trikitilari Gaztetxoen Txapelketa
Jarraian, Bertsolarien bigarren saioa: Amets Arzallus, Sebastian Lizaso eta Alaia Martin
18:00, Toka txapelketa nagusia, Gurutzeta sukaldeak antolatuta
20:00, Erromeria, Lidia Irigoienekin eta Leire Astiazaranekin
Ondoren, Kalejira auzoan zehar, festei amaiera emateko
