Aurreko igandean jokatu zen Jaengo Maratoia, Andaluziako hirian; eta bertan izan zen Eva Esnaola hernaniarra. Beste behin, 42,195 kilometroko ibilbidea osatzea lortu zuen Esnaolak, eta sekulako mailan aritu zen, gainera. 3:30:01 denboran bukatu zuen proba hernaniarrak, eta bera izan zen aurreneko emakumezkoa, helmugan.
Ez da ohiko formatukoa, Jaengo Maratoia. Izan ere, errepidean jokatu beharrean, pista batean egiten dute, pistari berari makina bat itzuli emanda.