Udaran zehar, nerabe, gazte zein familientzako ikastaroak egingo ditu Kaxkardik, Hernaniko Udalarekin batera. Egingo diren lehenengo ikastaroak uztailaren 11tik 15era biartean izango dira, nerabeentzat eta gazteentzat. Uztailaren 16an, berriz, familientzako saioa eskainiko du Kaxkardik.
Ikastaroetan parte hartu nahi duenak, kaxkardi.com webgunean eman dezake izena, izena emateak atalean. Apuntatzeko epea etzira artekoa izango da.
Nerabeen ikastaroei dagokienez, Udalak eskaintzen dituen beste jarduera batzuen artean, Kaxkardik piraguismoa, mendi bizikleta, eskalada eta arku-tiroa eskainiko ditu aurten. Ikastaro hauetan, kirol bakoitzeko oinarrizko arlo teknikoak ikasiko dituzte, «era ludiko batean landuz eta jolas ugari eginez». Eta gazteentzako ikastaroetan, berriz, «inoiz probatzerik, edota noizbait probatu eta gustatu arren gehixeago sakontzeko aukerarik izan ez duten kirol pare bat egiteko aukera» luzatu nahi du Kaxkardik: piraguismoa, eskalada edota nahasketa bat.