Gaur jokatuko dute San Fermin torneoko bigarren jardunaldia, Galarreta frontoian. Arratsaldeko 18:00etan hasiko da jaialdia, eta bi partidu izango dira. Oraingoan, zehazki, aurrez aurre ariko dira aurreneko jardunaldiko bi bikote irabazleak, eta bi galtzaileak.
Aurreneko partiduan, bi irabazleek neurtuko dituzte indarrak. Horretan ariko da Endika Barrenetxea hernaniarra, Aldaberekin batera; eta Ezkurra II eta Juanenea izango dituzte kontrario. Bigarrenean, berriz, Urrizak eta Labakak jokatuko dute, Ansa IIren eta Azpirozen kontra.