Larunbatean jokatu zuen Hernaniko Maialen traineruak, ETE Ligako laugarren jardunaldia. Castron aritu zen, eta aurreko bi estropadetan bezala, zazpigarren izan zen Hernani, aurreko bi sailkatuak (Ondarroa eta Zarautz) oso gertu zituela, segundu gutxira. Hibaika izan zen garaile.
Liga gorenetan, berriz, lau hernaniarrek lortu zuten bandera igandean, Donostian: nesken Euskotren Ligan, Oriorekin nagusitu zen Eider Barba; eta mutilen Eusko Label Ligan, Donostiarrarekin irabazi zuten Jon Iruretagoienak, Iker Imazek eta Xabat Pastorrek. Bi taldeak daude ligako lider, aurreneko bi jardunaldiak jokatuta; biak izan baitziren bigarren, bezperan Bilbon.