Paul Ojuelek eta Markel Lizeagak, final bana jokatu zuten joan den astean. Ojuelek Gipuzkoako lau t'erdiko Txapelketaren finala, eta Lizeagak, berriz, San Juan Txapelketaren finala.
Ojuelek, nagusien mailan jokatu zuen finala, Zegamako Toki Alai frontoian, eta ez zuen zorterik izan, ez baitzuen garaipenik lortu: 22-16 galdu zuen, Matxinandiaren aurka.
Markel Lizeagak pelotari senior hernaniarrak, berriz, Urretxuko San Juan txapelketa irabazi zuen Aitor Mendizabal profesional ohiarekin batera. Markagailuak, sekulako maila erakutsi zuen, izan ere, Lizeagak eta Mendizabalek, 22-11 irabazi zioten Matari eta Elizegiri. Partiduaren hasieratik nagusitu zen Lizeaga, eta horrek lasaitasuna eman zien bikote pilotariei.
IV. Papelera Zikuñaga txapelketa
Datorren ostiralean, Hernaniko frontoian abian jarriko da Zikuñagako Papelerak babestutako txapelketako laugarren edizioa. Aurtengo txapelketan, gainera, 104 pelotarik hartuko dute parte, sei kategoriatan. Uztaileko egun guztietan, igandeetan izan ezik.