Arratsaldearen hasierara arte iraun duen bero sapa pixka bat baretuta, Azeri Bila lasterketa jokatu dute gaur, Hernaniko kaleetan, 8 kilometroko ibilbidearekin. 78 partehartzaile ausartu dira beroari aurre egiten, eta Unai Ibarra arrasatearra izan da denetan azkarrena, 25:27 denborarekin, mutilen txapela janzteko. Atzetik sartu dira bi hernaniar, Sergio Roman (26:05) eta Gaizka Izagirre (26:50), podiuma osatzeko.
Nesketan, berriz, Naroa Garmendia donostiarra izan da aurrenekoa helmugan, 34:30 denborarekin; eta bi hernaniarrek osatu dute podiuma: Miren Unzuetak (36:12) eta Ana Rodriguezek (36:59).