Aurtengorako zehaztuta dituzten irteeretatik kanpo, Zikuñako Ama Zikloturista Taldeko txirrindulariek irteera berezia izan zuten joan den asteburuan. Hernaniarrek Espinosa de los Monteros-era (Burgos) bidaiatu zuten, eta 97 kilometroko proba osatu zuten. Bukatzeko, babarrun-jatea izan zuten elkarrekin.
Martxa hori jarraituta, orain bai egutegiaren barruan, Altzagaratera (Aramatik) dute hurrengo irteera, bihar. 80 kilometrokoa izango da biharko proba.