San Joanetako egitarauaren barruan hainbat kirol iragartzen dira urtero-urtero eta batzuk ohitura zahar bihurtu dira dagoeneko. Horietako bat da Palankari Txapelketa. Bihar 39garren edizioa jokatuko da atletismo pistan, 10:30etatik aurrera. Gaur ere, 10:00etan Txantxangorrik antolatzen duen plater tiraketa saioa izango da Hondarribian eta bihar ere izango da 10:00etan, Compact estiloan.
Ordu berean, bihar 09:00etan ikasturte amaierako gimnasia erritmikoaren erakustaldia antolatu da kiroldegian. Errugbiak ere urtero izaten du lekua eta laugarren edizioa beteko du aurten, gaur 10:30etan Landaren, nesken San Joan torneoak.
Traineru ETE Liga, bihar Pasai San Pedron
ETE Ligako lehenengo traineru estropada Hernanik antolatuko du bihar Pasai San Pedron. 11:30etan hasiko da eta Maialen traineruak hartuko du parte.