Lehia biziko sei jardunaldiren ondoren, San Joan Txapelketako finalak jokatuko dituzte gaurkoan, C.D. Hernaniko pelotariek. Arratsaldeko 17:00etan hasiko dira, kiroldegiko frontoian. Pelotari benjaminek eta alebinek eskuz binakako modalitatean jokatu dute, eta haur, kadete eta gazte mailako pelotari federatuek, berriz, banakako lau terdiko modalitatean. Horrela, denera, 8 final jokatuko dira: benjaminetan 2, alebinetan 2, infantiletan 2, kadeteetan 1 eta jubeniletan 1.