Eskolako Agenda 2030eko ekimenetan murgilduta daude Hernani BHI Institutuko ikasleak, eta ekonomia zirkularra bultzatu nahian, Hernaniko azokan postua jarriko dute gaur. DBH3ko ikasleak egongo dira bertan, bigarren eskuko produktuei «bizitza berri bat» emateko asmoz. Bildutako dirua datorren ikasturteko ikasbidairako erabiliko dute. Gerturatu eta laguntzera animatu dituzte herritarrak.