Helduentzako irteera antolatu du Mendiriz Mendik, igande honetarako. Pirineoetara joango dira, eta GR-11 ibilbidearen zortzigarren etapa osatuko dute, egiteko falta zaiena. Zehazki, Izabatik Zurizara joango dira. 11 kilometroko ibilbidea da, 560 metroko desnibel positiboarekin, eta ia jaitsierarik gabe; baina ibilbide erraza da, hiruzpalau ordutan egiteko modukoa, eta paraje ederretan barrena. Bertara joateko, Atsegindegin elkartuko dira, goizeko 07:30etan. Parte hartzeko, aldez aurretik eman beharko da izena. Horretarako, elkartearen bulegotik (Iturregi plaza) pasa behar da, gaur edo bihar, iluntzeko 20:00etatik 21:00etara. 20 euro dira elkarteko bazkideentzat, eta 25 euro bazkide ez direnentzat. Izena eman eta irteeran parte hartzera animatu dituzte herritar guztiak.