Oso hitzordu garrantzitsua dauka Hernaniko esku pelotak, igande honetan: Herriarteko Txapelketaren semifinaletako bueltakoa jokatuko du, 17:00etan Oiartzunen; eta joanekoan 2-1 irabazita, finalera sailkatzeko aukera dauka. Horregatik, herritarrei deia luzatu diete, animoak eta indarra emateko esku pelotariei; eta hori errazteko, doako autobusa antolatu dute Hernanitik Oiartzunera. 16:00etan abiatuko da, Atsegindegitik; eta ezinbestekoa da izena ematea: biharko 12:00ak arte dago epea, 650 506 436 telefonoan.