Moto istripua izan du emakume batek, 15:00ak aldera, GI-21-32 errepidean, Hernaniko hilerriko semaforotik Axalarako errepide zatian, Santa Barbara auzoaren parean. Berehala azaldu dira DYA, Ertzaintza eta Udaltzaingoa, eta ospitalera eraman dute emakumea, artatu ondoren.
Istripuaren eraginez, bidea itxi dute bi noranzkoetan. Txantxillako errotondatik ezin da Urnieta aldera joan zuzenean; eta Urnietatik datozenak, berriz, Pipirita aldera bideratu dituzte. Dena den, bidea azkar libratuko dutela aurreikusten da.
