San Joan jaiak gertu dauden honetan, triki-pintxopotea antolatu du Dobera Euskara Elkarteak, Mintzalagunekin, «kaleak girotzen hasteko». Bihar arratsaldean izango da, 19:00etan Plazan elkartuta. Mintzalagun egitasmoko ikasturtea «behar den bezala» agurtzea da asmoa, baina Mintzalagunei ez ezik, herritar guztiei luzatu diete gonbitea, parte hartu eta ekimena gertuagotik ezagutzeko: «hori bai, ez ahaztu euskera praktikatzea dela Mintzalagunen helburu nagusia!», gogorarazi dute.
Helduen arteko harreman informaletan euskeraren erabilera areagotzea bilatzen du Mintzalagun egitasmoak: euskera ikasten ari direnak eta euskeraz ondo egiten dutenak inplikatzen dira, talde txikietan elkartu eta euskeraz hitz egiteko.