Gaur egingo dute ekaineko literatur solasaldia, euskeraz, Biteriko liburutegian (oker zegoen Udalaren Kultur Agendan, ez da ostiralean izango). Arratsaldeko 19:00etan hasiko da, eta oraingoan, Aintzane Usandizagaren Kabitu ezina liburuari buruz ariko dira, Ane Mayozek gidatuta.
Idazle lasartearrak 2019an argitaratu zuen liburua, bere estreinakoa; eta bertan, zortzi istorio bildu ditu: «egunerokotasun grixean zirrikituak eta giza harremanetan arrakalak bilatzen dituzten ipuinak, jendeei eta egoerei begirada zorrotz eta sakona eskaintzen dakitenak, agerikotik harago doazenak».
Gainera, gonbidatu berezi bat izango da gaurko solasaldian: Itxaro Borda idazle baionarra egongo da bertan, bertaratuekin solasaldia konpartitzeko.